میں اپنے بیٹے کانام "بسام" یا "ریان" رکھنا چاہتا ہوں، ان میں سے کون سا درست نام ہے؟
"بسّام" مبالغہ کا صیغہ ہے جس کا معنٰی ہے: خوب مسکرانے والا ( خوش و خرم)۔ "بسام" نام رکھنا درست هے۔
بَسَّام : (معجم الغني):
"(صِيغَة فَعَّال لِلْمُبالَغَةِ).
1- وَلَدٌ بَسَّامٌ :كَثيرُ الاِبْتِسامِ.
2- اِسْمُهُ بَسَّامٌ : اِسْمُ عَلَمٍ لِلْمُذَكَّرِ."
"ریان": "را" کے زبر، "یا" کی تشدید اور زبر کے ساتھ ہے، اس کا معنی "سیراب کرنے والا "ہے، "ریان" جنت کا ایک خاص دروازہ ہے جس سے صرف روزہ دار داخل ہوں گے۔ "ریان" نام بھی رکھ سکتے ہیں۔
پس مسئولہ صورت میں دونوں نام عمدہ ہیں، ان میں سے کوئی بھی نام رکھ سکتے ہیں۔ فقط واللہ اعلم
فتوی نمبر : 144203201463
دارالافتاء : جامعہ علوم اسلامیہ علامہ محمد یوسف بنوری ٹاؤن