سوال

میں نے اپنی بیٹی کانام بریعہ عثمان رکھا ہے،  کیا یہ نام اس کے لے ٹھیک ہے ؟ نیز اس کا مطلب کیا ہے؟ براۓمہربانی جلدی جواب دیں!

جواب

بَرِ یعَہ نام  کا معنی ہے: ساتھیوں سے فائق ہونا، صاحب کمال ہونا۔(القاموس الوحید، المادّۃ: ب/ ر/ ع، ص:160، ط:ادارۃ الاسلامیات)

یہ ان صحابیات میں سے ہیں جو حضورِ اکرم صلی اللہ علیہ وسلم سے بیعت کرکے مشرف بااسلام ہوئیں، لہذا مذکورہ صحابیہ کے نام کے مناسبت سے بچی کا نام بریعہ  رکھنا افضل ہونے کے ساتھ ساتھ باعثِ برکت بھی ہے۔

الإصابة في معرفة الصحابة  میں ہے:

"بريعة بنت أبي حارثة بن أوس بن الدخيش الأنصارية من بني عوف الخزرج.

ذكرها ابن حبيب فيمن بايعن رسول الله صلى الله عليه وسلم".

(حرف الباء الموحدة، القسم الأول، ج:3، ص:451، ط:مکتبۃ الوراق)

فقط واللہ اعلم