سوال

چارسال پہلے میری بہن کانکاح ہم نے ایک لڑکےسے کرایاتھا، اس وقت علم نہیں تھاکہ لڑکابریلوی مسلک سے تعلق رکھتاہے، اب ہمیں معلوم ہواہے کہ وہ بریلوی مسلک سے تعلق رکھتاہے ، بریلویوں کی مساجد میں نماز پڑھنے جاتاہے ، اورمزاروں پربھی جاتاہے۔ اب پوچھنایہ ہے کہ میری بہن کانکاح اس سے اب بھی برقرارہے یاختم ہوچکاہے ؟

جواب

واضح رہےکہ بریلوی سے نکاح کرنا فی نفسہ درست اورجائزہے،لیکن مشاہدہ ہے کہ میاں بیوی کے نظریات میں  اختلاف ہونے کی صورت میں بسااوقات آپس میں منافرت اور اختلاف کی فضا قائم ہوجاتی ہے، لہذا ذہنی ہم آہنگی نہ ہونے کے خدشے کی وجہ سے ایسے شخص سے نکاح نہ کرنا بہتر ہے۔لیکن اس کےباوجود اگر تمام شرعی ضابطےپورے کرکےسائل کی  بہن کانکاح کسی بریلوی سے کردیاہے تو نکاح منعقدہوگیاہے، نکاح ختم نہیں ہواہے نکاح برقرارہے ، اگرپسندنہیں توطلاق یاخلع لے کرالگ ہوناپڑےگا۔

فتاوی شامی میں ہے:

"وفي النهر تجوز مناكحة المعتزلة لأنا لا نكفر أحدا من أهل القبلة إن وقع إلزاما في المباحث."

(الدرالمختار کتاب النکاح فصل فی المحرمات ۳ / ۴۵ ط: سعید)

فقط واللہ اعلم