سوال

بریلوی علماء کو سننا کیسا ہے؟

جواب

واضح رہے کہ بریلوی  حضرات اپنے بیانات اپنے عقائد و نظریات کی اور بدعات کی تشہیر کرتے ہیں اور بریلوی حضرات کے بیانات سننے سے  ان کےگمراہ کُن  عقائد و نظریات انسان کی زندگی میں آنے کا اندیشہ ہے۔ 

علامہ ابن سیرین رحمہ اللہ فرماتے ہیں: "بے شک یہ علم دین ہے، پس تم دیکھو کہ تم اپنا دین کس سے حاصل کررہے ہو،" یعنی جس شخص سے دین سیکھا جائے، وہ صحیح العقیدہ، متقی پرہیز گار ہو، تاکہ اس کے ذریعے سیدھی راہ کی ہدایت حاصل کی جائے اور رسومات اور بدعات سے محفوظ رہا جائے۔

لہٰذا بریلوی حضرات کے بیانات سننے سے اجتناب کیاجائے۔

مشکاۃ المصابیح میں ہے:

"وعن ابن سيرين قال: إن هذا العلم دين فانظروا عمن ‌تأخذون ‌دينكم. رواه مسلم."

(كتاب العلم، ج:1، ص:90، ط: : المكتب الإسلامي)

مرقاة المفاتيح ميں هے:

"(قال: إن هذا العلم دين) : اللام للعهد، وهو ما جاء به النبي - صلى الله عليه وسلم - لتعليم الخلق من الكتاب والسنة وهما أصول الدين (فانظروا عمن ‌تأخذون ‌دينكم) : المراد الأخذ من العدول والثقات."

(كتاب العلم، ج:1، ص:336، ط:دار الفكر)

فقط والله اعلم