سوال

بینک میں زیور  دو سال کے لیے رکھوا کر اس پر جو منافع ملے، اس کا کیا حکم ہے؟ جب کہ دو سال بعد بینک زیور  پورا واپس کردیتا ہے۔

جواب

ہماری معلومات کے مطابق بینک زیورات زرِ ضمانت ( mortgage )  کے طور پر رکھ کر رکھوانے والے  کو سود پر قرضہ دیتا ہے، ایسا قرضہ لینا شرعًا حرام ہوتا ہے۔

تاہم سائل نے جو صورت بتلائی ہے، ایسی کوئی صورت ہماری معلومات کی حد تک  مروجہ کسی بینک میں رائج نہیں، لہذا اگر واقعتًا ایسی کوئی صورت کسی بینک نے متعارف کروائی ہے تو اس صورت کی مکمل تفصیل  باحوالہ لکھ کر  سوال دوبارہ ارسال کردیں۔ فقط واللہ اعلم