بینک اکاؤنٹ میں رقم رکھنے پر منافع کی کوئی بھی جائز صورت ہے؟
بینک میں رقم رکھ کر نفع لینا جائز نہیں ہے، اب تک ایسی کوئی صورت سامنے نہیں آئی ہے کہ بینک نے لوگوں کی رکھوائی ہوئی رقم حلال تجارت میں لگائی ہو اور اس کی بنیاد پر نفع دیا ہو، حلال تجارت کے برعکس بینک کا مدار سودی نظام پر ہے اور بینک منافع کے نام سے جو کچھ دیتا ہے شرعاً وہ سود کے حکم میں ہے جو کہ حرام ہے اور سودی معاملات کرنے والوں پر رسول اللہ ﷺ نے لعنت کی ہے۔تفصیلی بحث کے لیے ’’مروجہ اسلامی بینکاری‘‘ (مطبوعہ مکتبہ بینات جامعہ بنوری ٹاؤن) کا مطالعہ کریں۔ فقط واللہ اعلم
فتوی نمبر : 144203201289
دارالافتاء : جامعہ علوم اسلامیہ علامہ محمد یوسف بنوری ٹاؤن