سوال

کہ ہمارے علاقے میں بعض لوگ ایسے ہے جن کے پاس خاندانی زمینیں ہے جن کی قیمت لگانے یا فروخت کرنے پہ وہ لوگ صاحب نصاب ہوجائیں گے، البتہ وہ زمینیں غیرآباد بنجر پڑی ہے نہ وہ لوگ اس میں کاشت کرسکتےہیں نہ اس کو فروخت کرسکتے ہیں اور نہ ہی کرایہ پر دے سکتے ہیں،  جب کہ ان کا حال یہ ہے کہ وہ دو وقت کی روٹی کے لیے ہاتھ پھیلانے پر مجبور ہیں ،  اب ایسی حالت میں کیا ان لوگوں کو زکوٰۃ دینا جائز ہے؟

جواب

صورتِ میں جب مذکورہ لوگ محض بنجرغیرآباد زمین کے مالک ہیں ، اور وہ غریب اور مستحقِ زکوۃ ہیں ، صاحبِ نصاب اور سادات برادری سے نہیں ہے تو ان کو زکوۃ دینا جائز ہے۔

فتاویٰ شامی میں ہے:

" وشرائطها: الإسلام والإقامة واليسار الذي يتعلق به) وجوب (صدقة الفطر) ".

(کتاب الاضحیۃ، ج:6، ص:312، ط:ایچ ایم سعید)

فقط واللہ اعلم