سوال

کیا بالوں میں مہندی لگا کر دھونے سے پہلے وضو کرنے سے وضو ہوجاتا ہے؟

جواب

اگر بالوں پر لگی ہوئی مہندی جسم دار  اور جمی ہوئی ہو  اور اسے دھویا نہیں گیا ہو تو اس پر مسح کرنے سے مسح درست نہیں ہوگا، کیوں کہ جمی ہوئی مہندی بالوں تک پانی کی تری پہنچنے سے مانع ہے، البتہ اگر مہندی تازہ ہو اور پانی کی تری بالوں تک پہنچ جائے یا مہندی کو دھولیا جائے اور صرف مہندی کا رنگ لگا رہ گیا ہو تو اس پر مسح کرنا درست ہوگا۔

مراقي الفلاح شرح نور الإيضاح (ص: 29):

"و" الركن "الرابع مسح ربع رأسه" لمسحه صلى الله عليه وسلم ناصيته وتقدير الفرض بثلاثة أصابع مردود وإن صحح ومحل المسح ما فوق الأذنين فيصح مسح ربعه لا ما نزل عنهما فلا يصح مسح أعلى الذوائب المشدودة على الرأس وهو لغة إمرار اليد على الشيء وشرعا إصابة اليد المبتلة العضو".

فقط واللہ اعلم