کیا بالوں کو رنگنے کے لیے keune کلر استعمال کرسکتے ہیں؟ اگر غسل واجب ہو تو غسل سے پہلے بالوں کو رنگ سکتے ہیں؟
خالص سیاہ رنگ (کلر) کے علاوہ ہر طرح کا رنگ بالوں پر لگانا جائز ہے بشرطیکہ اس کے اجزا میں کوئی نجس (ناپاک) چیز نہ ہو اور بالوں کو دھونے کے بعد اس رنگ کی ایسی تہہ بالوں پر جم کر باقی نہ رہ جائے جو بالوں تک پانی پہنچنے سے مانع ہو، کیوں کہ رنگ کی تہہ جم جانے کی صورت میں تہہ ہٹنے سے پہلے کیا جانے والا وضو اور غسل معتبر نہیں ہوگا۔
جو کلر (رنگ) تہہ والا نہ ہو اسے ہر حالت میں لگانا جائز ہے چاہے غسل واجب ہو یا نہ ہو۔ فقط واللہ اعلم
فتوی نمبر : 144202200082
دارالافتاء : جامعہ علوم اسلامیہ علامہ محمد یوسف بنوری ٹاؤن