باپ اپنے بالغ اولاد جب کہ غیر شادی شدہ ہوں کیا باپ پر ان کا صدقہ فطر لازم ہے؟
واضح رہے کہ فطرانہ/صدقۃ الفطر ہر اس شخص پرجوکہ صاحب نصاب ہوخوداپنی طرف سے اوراپنی نابالغ اولاد کی طرف سےادا کرنا واجب ہے، بالغ اولاد اگرصاحب نصاب ہوتواپنا فطرانہ خود انہی پرواجب ہے والدپرنہیں، اوراگرصاحب نصاب نہ ہوتونہ ان پرصدقۃ الفطرواجب ہےاورنہ والدپران کی طرف سےواجب ہے،البتہ اگروالدازخود بالغ بچوں کی طرف سےدےدےتویہ بھی صحیح ہے۔
فتاوی ہندیہ میں ہے :
"ولا يؤدي عن زوجته، ولا عن أولاده الكبار، وإن كانوا في عياله، ولو أدى عنهم أو عن زوجته بغير أمرهم أجزأهم استحسانا كذا في الهداية. وعليه الفتوى كذا في فتاوى قاضي خان. ولا يجوز أن يعطي عن غير عياله إلا بأمره كذا في المحيط".
(کتاب الزکات،الباب الثامن فی صدقۃ الفطر،ج:1،ص:193،دارالفکر)
فقط واللہ اعلم
فتوی نمبر : 144409101492
دارالافتاء : جامعہ علوم اسلامیہ علامہ محمد یوسف بنوری ٹاؤن