سوال

مساجد میں جماعت کی نماز پر پابندی ہونے کی صورت میں  کیا گھر میں ایسی جگہ نماز پڑھ سکتے ہیں کہ مصلی کے ٹھیک سامنے بیت الخلا  ہو اور کیا گھر میں جماعت ثانی کر سکتے ہیں؟

جواب

گھروں میں ایسی جگہ نماز پڑھنا بلاکراہت جائز ہوگا جہاں مصلی کے سامنے بیت الخلا  ہو، البتہ اگر وہاں بدبو آرہی ہو تو کراہت ہوگی، اس لیے اچھی طرح صفائی کا اہتمام کرلیا جائے۔  نیز اگر کسی  معتبر عذر  کی وجہ سے فرض نماز کی جماعت گھر میں کرانی پڑے تو  گھر میں فرض نماز کی ایک سے زیادہ جماعتیں کروانا بھی جائز ہے۔ فقط و اللہ اعلم