سوال

 شادی اور گاڑی اور گھر کی تعمیر کے لئے  بینک سے لون لینا ہے تو شریعت میں اسکا کیا حکم ہے جائز ہے یا نہیں ۔

جواب

واضح رہے کہ بینک  سے سودی قرضہ لینا شرعاً جائز نہیں ہے اور شرعاً   جس طرح سودی قرضہ دینا حرام ہے اسی طرح سودی قرضہ لینا بھی حرام ہے، اگرسائل کے پاس اتنی رقم  نہیں ہے  وہ مذکورہ کام کر سکے تو اس صورت میں  بھی  سودی قرضہ لینے کی اجازت نہیں ہے،ضرورت مندکو چاہیے کہ مذکورہ کاموں کے لیے   کسی سے غیر سودی قرضہ لے ۔ 

اللہ پاک کا ارشاد ہے :

"﴿ يَا أَيُّهَا الَّذِيْنَ آمَنُوا اتَّقُوا اللهَ  وَذَرُوْا مَا بَقِيَ مِنَ الرِّبَا إِنْ كُنْتُمْ مُؤْمِنِيْنَ فَإِنْ لَّمْ تَفْعَلُوْا فَأْذَنُوْا بِحَرْبٍ مِّنَ اللهِ وَرَسُوْلِه وَإِنْ تُبْتُمْ فَلَكُمْ رُءُوْسُ أَمْوَالِكُمْ لَاتَظْلِمُوْنَ وَلَا تُظْلَمُوْنَ وَإِنْ كَانَ ذُوْ عُسْرَةٍ فَنَظِرَة إِلٰى مَيْسَرَةٍ وَأَنْ تَصَدَّقُوْا خَيْر لَّكُمْ إِنْ كُنْتُمْ تَعْلَمُوْنَ﴾"(البقرة : ۲۷۸ إلى ۲۸٠ )

ترجمہ:" اے ایمان والو ! اللہ سے ڈرو اور جو کچھ سود کا بقایاہے اس کو چھوڑ دو اگر تم ایمان والے ہو، پھر اگرتم نہ کرو گے تو اشتہار سن لو جنگ کا اللہ کی طرف سے اور اس کے رسول کی طرف سے۔ اور اگر تم توبہ کرلوگے تو تم کو تمہارے اصل اموال مل جائیں گے، نہ تم کسی پر ظلم کرنے پاؤ گے اور نہ تم پر ظلم کرنے پائے گا، اور اگر تنگ دست ہو تو مہلت دینے کا حکم ہے آسودگی تک اور یہ کہ معاف ہی کردو  زیادہ بہتر ہے تمہارے لیے اگر تم کو خبر ہو۔" (بیان القرآن )

فتاوی شامی میں ہے :

"وفي الأشباه ‌كل ‌قرض جر نفعا حرام".

(کتاب البیوع، 166/5،سعید)

 فقط واللہ اعلم