سوال

دو بندوں کے درمیان خرید و فروخت ہوتی ہے، قیمت متعین ہوئی بیعانہ دے دیا، اب ان میں سے ایک بندہ لینے والا یا دینے والا انکاری ہو جاتا ہے تو بیعانہ کا شرعی حکم کیا ہے؟

جواب

خرید و فروخت میں بیعانہ لینا دینا جائز ہے، البتہ بیعانہ کی رقم قیمت کا حصہ ہوتی ہے، سودا ختم ہوجانے کی صورت میں ضبط کرنا جائز نہیں، بلکہ واپس کرنا لازم ہے۔

"عن عمرو بن شعیب عن أبيه عن جده قال: نهى رسول الله صلى الله عليه وسلم عن بيع العربان. رواه مالك وأبوداؤد وابن ماجه".

وفي الهامش:

"(قوله:"بيع العربان" وهو أن يشتري السلعة ويعطي البائع درهماً أو أقلّ أو أكثر على أنه إن تمّ البيع حسب من الثمن وإلا لكان للبائع ولم يرجعه المشتري، وهو بيع باطل؛ لمافيه من الشرط والغرر". (مشکاۃ المصابیح، کتاب البیوع) فقط واللہ اعلم