سوال

موجودہ لاک ڈاؤن میں بغیر سامع کے تراویح پڑھانا کیسا ہے?

جواب

اگر قرآن کریم اچھی طرح یاد ہو تو تراویح کی نما زمیں سامع کے بغیر بھی قرآن کریم سنانا درست ہے، اگر قرآن کریم سنانے والا دوران نماز کہیں بھول جائے یا شبہ ہوجائے تو سلا م پھیرنے کے بعد قرآن کریم کھول کر دیکھ لے، اگر کوئی ایسی غلطی ہو ئی ہو جس سے نماز فاسد نہ ہوتی ہو تو قرآن کریم کا وہ حصہ  جو غلط پڑھ لیا تھا وہ اگلی رکعت میں دوبارہ پڑھ لے ۔اور اگر کوئی ایسی غلطی ہوئی جس سے نماز فاسد ہوتی ہو تو اس صورت میں دونوں رکعتیں اور ان میں پڑھاجانے والا قرآن کریم دونوں دوبارہ لوٹائے گا۔

تاہم  تراویح میں ممکن ہو تو سامع کا ہونا زیادہ بہتر ہے، تاکہ قرآن کریم سنانے میں اطمینان رہے اور شبہ سے آدمی بچ جائے۔ (تراویح کے مسائل کا انسائیکلوپیڈیا، ص؛219،ط:بیت العمار)فقط واللہ اعلم