سوال

میرا سوال یہ تھا کہ اگر مجھے مؤذن نے نماز کے لیے تکبیر کا کہا ہے اور میرا اگر وضو نہیں ہے تو کیا میرے علاوہ باقی نمازیوں کی نماز ہو جائے گی ؟

جواب

صورت مسئولہ میں سائل کو اگر مؤذن نے اقامت کہنے کا کہا اور سائل نے بغیر وضو کے اقامت کہی ،تو ایسا کرنا شرعا مکروہ ہے ،ایسے  موقعہ پر سائل کو تکبیر کہنے سے معذرت  کرلینی چاہیے تاہم اگر بے وضو اقامت کہہ دی تو اس سے باقی نمازیوں کی نماز   بغیر کراہت کے ادا ہو جائے گی،لیکن سائل کے لیے اقامت  کے بعد بغیر وضو کے نماز میں شریک ہونا جائز نہیں ہوگا۔

ردالمحتار میں ہے:

"(ويكره أذان جنب وإقامته وإقامة محدث لا أذانه) على المذهب".

(کتاب الصلاۃ، ج: 1، ص:392، ط:سعید)

فقط واللہ اعلم