بچوں کے نام زیور کردینے سے زکوۃ کا حکم

اگر بچوں کے نام سے بینک میں زیور رکھنے والا بچے کا ولی ہے یعنی اس کا باپ یا دادا ہے یا بچے کا مربی ہے یعنی بچہ اس کے زیر تربیت اور زیر پرورش ہے تو زیور بچے کی ملکیت ہوچکاہے کیونکہ قاعدہ یہ ہے کہ ولی یا مربی کے صرف کہہ دینے سے یا صرف اعلان کردینے سے بچہ مالک ہوجاتاہے قبضہ منتقل کرنے کی ضرورت نہیں ہوتی کیونکہ ولی کا قبضہ خود اس بچے کا قبضہ سمجھا جا تا ہے اور جب زیور بچہ کا ہوگیا ہے تو اس پر زکاۃ بھی نہیں کیونکہ بچے کے مال پر زکاۃ واجب نہیں ہوتی۔واللہ اعلم