سوال

 بعض اوقات  بوڑھے لوگ بچوں کو بنا ہوا قصہ سناتے ہیں،  اس کا شرعی حکم کیا ہے؟

جواب

صورتِ مسئولہ میں بچوں کی تربیت، ذہن تیز کرنے،  اور ان کی تعلیمی دل چسپی  بڑھانے وغیرہ  کے لیے  انہیں  اخلاقی، اصلاحی اور سبق آموز کہانیاں سنانا جائز ہے، اگرچہ وہ فرضی بنائی ہوئی ہوں، تاہم اگر اسلام کے قابلِ رشک حقیقی کرداروں کے حقیقی واقعات  دل چسپ پیرائے میں بچوں کو سنائے جائیں تو یہ ان کی تربیت کے لیے زیادہ مؤثر اور بہتر ہے۔

اور ایسی کہانیاں جس میں اسلامی اقدار کی توہین ہو، یا  وہ کہانیاں شرعًا و اخلاقًا  درست نہ ہوں تو وہ سنانا جائز نہیں ہوگا۔ فقط واللہ اعلم