میرے بچوں کے نام یمنی سماویہ اور حناد ہیں، راہ نمائی فرماکر ان کے معانی بتائیں اور یہ بھی بتائیں کہ کیا یہ درست ہے ؟ورنہ کوئی اور اسلامی نام بتادیں!
’’یمنیٰ‘‘: (یُمْنیٰ)ایمن کا مؤنث ہے، اس کے معنی ہیں: برکت والی۔ اسی طرح یمنی کا ایک معنیٰ ہے: دائیں طرف۔
بیٹی کا نام یمنیٰ رکھنا جائز ہے۔
سماویہ : اس کا معنی ہے "آسمانی "۔ یہ نام رکھنے کی گنجائش ہے، مناسب یہ ہے کہ صحابیات رضی اللہ عنہن کے ناموں میں سے یا اچھے معنی والا عربی نام رکھا جائے۔
حناد: یہ نام عربی لغت کی کتابوں میں نہیں مل سکا، البتہ روایات میں بعض راویوں کے ناموں میں اس نام کا استعمال مردوں کے لیے ملتا ہے، خاتون کے لیے اس کا استعمال نہیں مل سکا؛ لہٰذا یہ نام رکھنا مناسب نہیں، بلکہ صحابیات یا ازواجِ مطہرات یا عربی زبان میں اچھے معانی والے نام رکھنے چاہییں۔ فقط واللہ اعلم
فتوی نمبر : 144208200554
دارالافتاء : جامعہ علوم اسلامیہ علامہ محمد یوسف بنوری ٹاؤن