سوال

میں 17 سال کی ہوں اور شادی شدہ ہوں اور میری بیٹی بھی ہے جو ابھی نومبر 2023 میں ہوئی ہے، میں ابھی دوسرا بچہ نہیں چاہ رہی ،مجھے لگتا ہے میں اتنی جلدی نہیں سنبھال سکتی اور کچھ ڈر بھی لگتا ہے تو اس کا کوئی حل بتا دیں؟

جواب

چھوٹی عمر کی وجہ سےصحت کے متحمل نہ ہونے اور بچوں کے چھوٹے ہونے کی وجہ سے ایسی مانع حمل تدابیر اختیار کرناجس سے وقتی طور پر حمل روکا جاسکے ،اس طور پر کہ جب چاہیں دوبارہ توالد و تناسل کا سلسلہ جاری رکھا جاسکتا ہو،جائزہے۔

فتاوی ہندیہ میں ہے:

"‌العزل ‌ليس ‌بمكروه برضا امرأته الحرة أو برضا مولى امرأته الأمة وفي الأمة المملوكة بغير رضاها. قالوا وكذلك المرأة يسعها أن تعالج لإسقاط الحبل ما لم يستبن شيء من خلقه وذلك ما لم يتم له مائة وعشرون يوما....."

(کتاب النکاح،ج1،ص335،ط؛دار الفکر)

فقط واللہ اعلم