ایک عورت نے کہاہے کہ جب میرا کوئی بچہ پیدا ہوجائے گا تو یہ میں کسی کو دوں گی؛ کیوں کہ میں اس کی پرورش نہیں کرسکتی، لیکن اب وہ اپنی اس بات پر نادم ہے تو برائے مہربانی اس کا کوئی شرعی حل بتادیجیے!
صورتِ مسئولہ میں عورت کا یہ کہنا کہ میرا کوئی بچہ پیدا ہوجائے گا تو میں یہ کسی کو دوں گی ؛ تاکہ وہ اس کی تربیت کرے؛ کیوں کہ میں اس کی پرورش نہیں کرسکتی۔ اس کی وجہ سے کسی کے حوالے کرنا لازم نہیں ہے، یہ نذر شرعًا معتبر نہیں ہے؛ لہذا اس ماں کو پریشان ہونے کی کوئی ضرورت نہیں ہے، اس کو چاہیے کہ اپنے اعتبار سے ہی اس بچے کی اچھی سے اچھی تربیت کرے۔ فقط واللہ اعلم
فتوی نمبر : 144208200323
دارالافتاء : جامعہ علوم اسلامیہ علامہ محمد یوسف بنوری ٹاؤن