سوال

بچے کے نام بچے کا نام محمد رکھنے کے بارے میں جو فضائل مشہور ہیں،  ان کے بارے میں کیا حکم ہے؟  جیسے: جس شخص کے ہاں لڑکا پیدا ہوا اور وہ میری محبت کی وجہ سے اور میرے نام سے برکت حاصل کرنے کے لیے اس بچے کا نام ”محمد“ رکھے تو وہ شخص اور اس کا بچہ دونوں جنتی ہوں گے۔ 

جواب

بچے کا نام محمد رکھنے کی فضیلت کے متعلق اس حدیث کی بعض سندوں کو بعض علماء  نے حسن قرار دیا ہے ، لیکن دیگر علماء نے اسے موضوع قرار دیا ہے ، مثلاً: ملا علی قاری فرماتے ہیں:

"وحديث: "من ولد له مولود فسماه محمدًا تبركًا كان هو و والده في الجنة"، وحديث: "ما من مسلم دنا من زوجته وهو ينوي إن حبلت منه أن يسميه محمدًا إلا رزقه الله ولدًا ذكرًا"، وفي ذلك جزء كله كذب". (الاسرار المرفوعة :۱/۴۳۵،ط:مؤسسة الرسالة بیروت)

اللؤلؤ المرصوع میں ہے :

" حَدِيث: "من ولد لَهُ مَوْلُود فَسَماهُ مُحَمَّدًا تبركًا كَانَ هُوَ وَولده فِي الْجنَّة مَوْضُوع". (۱/۳۰۲،ط:دارالبشائر الاسلامیة )

اس لیے اس روایت کو رسول اللہ صلی اللہ علیہ وسلم کی طرف منسوب کرنا درست نہیں ہے ۔ فقط واللہ اعلم