ایک بچی انگریزی کلینڈر کے حساب سے 9 سال كی نہیں ہوئی، لیکن اسلامی کلینڈر کے حساب سے دیکھیں تو 9 سال کی ہو گئی ہے، معلوم یہ کرنا ہے کہ حیض آنے کی صورت میں اسلامی یا انگریزی کس کلینڈر کے حساب سے دیکھیں کہ بچی 9 سال کی ہو گئی ہے یا نہیں؟
واضح رہے ہیں کہ شریعت نے جہاں کہیں بھی سال کا ذکر کیا ہے وہاں اسلامی اور قمری سال یا کلینڈر کا ہی اعتبار کیا ہے نہ کہ انگریزی سال یا کلینڈر کا ، لہذا صورت مسئولہ میں میں لڑکی اگر اسلامی سال یا کلینڈر کے اعتبار سے 9 سال کی ہوگئی ہے تو آنے والا خون حیض شمار ہوگا۔
فتاوی شامی میں ہے:
"وسببه أي سبب افتراضها ملک نصاب حوليٍّ نسبة للحول...
(قوله: نسبة للحول) أي الحول القمري لا الشمسي كما سيأتي متنا قبيل زكاة المال."
(کتاب الزکاة،ج:2، ص:259 ط: سعید)
فقط واللہ اعلم
فتوی نمبر : 144408102582
دارالافتاء : جامعہ علوم اسلامیہ علامہ محمد یوسف بنوری ٹاؤن