سوال

میری ایک سال کی بچی ہے کچھ بھی کھاتی پیتی نہیں ہے،  یہاں تک کہ دودھ بھی نہیں پیتی ہے،  سوتی بھی نہیں ہے،  بہت زور زبردستی کرنا پڑتا ہے،  ڈاکٹر سے رجوع کیا تو بولے کوئی دقت نہیں ہے سب نارمل ہے،  پھر آخر ایسا کیوں ہے؟  کچھ سمجھ نہیں آ رہا ہے. برائے مہربانی کوئی دعا یا مفید عمل بتا دیں!

جواب

آپ اپنے گھر کو  ہر قسم کے خلافِ  شرع کاموں سے پاک  رکھیں اور روزانہ دو رکعت صلاة  الحاجت پڑھ کر بچی کی صحت کے  لیے دعا کیجیے۔

صبح وشام اور سوتے وقت   آخری  دو  سورتیں  (قل اعوذ برب الفلق اورقل اعوذ برب الناس) تین، تین مرتبہ پڑھ کر، اپنے ہاتھوں پر  دم کرکے بچی کے جسم پر  پھیریں یا براہِ راست بچی پر تھتکار کر دم کریں۔

  اور روزانہ  اول وآخر درود شریف  ایک ایک مرتبہ اور درمیان میں  سات مرتبہ سورة الفاتحہ   پڑھ کر پانی پر دم کرکے بچی کو نہار منہ   پلائیں! 

فقط واللہ اعلم