سوال

کیا  درج ذیل حدیث ، احادیث کی کتابوں میں موجود ہے؟  رہنمائی فرمائیں:

حضرت عائشہ رضی اللہ عنہما فرماتی ہیں کہ میں نے نبی کریم صلی اللہ علیہ والہ وسلم سے عرض کیا: یا رسول اللہ میرے دو پڑوسی ہیں،  میں ان میں سے کسے ہدیہ بھیجوں؟ آپ صلی اللہ علیہ والہ وسلم نے ارشاد فرمایا: دونوں میں سے جس کا دروازہ تمہارے زیادہ قریب ہو۔

جواب

سوال میں مذکور حدیث بخاری شریف میں موجود ہے، ملاحظہ فرمائیے:

"عن عائشة رضي الله عنها، قلت: يا رسول الله، إن لي جارين، فإلى أيهما أهدي؟ قال:  إلى أقربهما منك بابا ".

أخرجه البخاري في صحيحه في باب أي الجوار أقرب  (2/ 788) برقم (2140)، ط. دار ابن كثير ، اليمامة - بيروت، الطبعة الثالثة : 1407 =1987)

ترجمہ: حضرت عائشہ رضی اللہ عنہا سے روایت ہے کہ میں نے کہا: یارسول اللہ! میرے دو پڑوسی ہیں، تو میں ان میں سے  کس کو ہدیہ بھیجوں؟ آپ علیہ الصلاۃ والسلام نے فرمایا : جس کا دروازہ  تمہارے زیادہ قریب ہے۔

فقط واللہ اعلم