اگر سورت سجدہ 4یا5 بارتلاوت کرلی جائے اور سجدہ کرنا یاد نہ رہے تو اس کا کیا حل ہے؟
صورتِ مسئولہ میں اگر ایک ہی وقت و مجلس میں سورۂ سجدہ چار یا پانچ بار تلاوت کی ہو تو ایسی صورت میں ایک ہی سجدہ تلاوت کرنا کافی ہوگا، البتہ اگر مختلف اوقات و مجالس میں تلاوت کی ہو تو جتنی مرتبہ تلاوت کی ہو اتنے سجدے کرنا لازم ہوں گے۔
فتاوی ہندیہ میں ہے:
"وَمِنْ حُكْمِ هَذِهِ السَّجْدَةِ التَّدَاخُلُ حَتَّى يَكْتَفِيَ فِي حَقِّ التَّالِي بِسَجْدَةٍ وَاحِدَةٍ وَإِنْ اجْتَمَعَ فِي حَقِّهِ التِّلَاوَةُ وَالسَّمَاعُ وَشَرْطُ التَّدَاخُلِ اتِّحَادُ الْآيَةِ وَاتِّحَادُ الْمَجْلِسِ حَتَّى لَوْ اخْتَلَفَ الْمَجْلِسُ وَاتَّحَدَتْ الْآيَةُ أَوْ اتَّحَدَ الْمَجْلِسُ وَاخْتَلَفَتْ الْآيَةُ لَا تَتَدَاخَلُ، كَذَا فِي الْمُحِيطِ". (الْبَابُ الثَّالِثَ عَشَرَ فِي سُجُودِ التِّلَاوَةِ، ١ / ١٣٤، ط: دار الفكر) فقط والله أعلم
فتوی نمبر : 144109201640
دارالافتاء : جامعہ علوم اسلامیہ علامہ محمد یوسف بنوری ٹاؤن