اوابین کی نماز کے بارے میں وضاحت کریں اور کیا مغرب کی سنتوں کو اوابین کے ساتھ شامل کر سکتے ہیں؟ کتنی رکعت پڑھنی چاہیے چار رکعت کہیں سے ثابت ہے؟
صورتِ مسئولہ میں مغرب کی نماز کے بعد اوابین کےنام سے جو نوافل پڑھی جاتی ہیں وہ چھ رکعات ہیں، مفتی بہ قول کے مطابق یہ چھ رکعات مغرب کے بعد کی دو رکعات سنتِ مؤکدہ کے علاوہ ہیں،البتہ اگر وقت کم ہے تو سنتِ مؤکدہ کو ملا کر چھ رکعات ادا کرنے سے بھی یہ فضیلت حاصل ہوجائے گی۔
مرقاۃ المفاتیح میں ہے :
"المفهوم أن الركعتين الراتبتين داخلتان في الست."
(کتاب الصلوٰۃ،باب السنن وفضائلھا،894/3،ط: دار الفكر)
تنویرالابصار مع الدر المختار میں ہے:
"(ست بعد المغرب) لیكتب من الأوابین (بتسلیمة) أو ثنتین أو ثلاث، و هل تحسب المؤكدة من المستحب و يؤدي الكل بتسليمة واحدة؟ اختار الكمال: نعم."
(کتاب الصلاۃ،13/2،ط:سعید)
فقط واللہ اعلم
فتوی نمبر : 144506101151
دارالافتاء : جامعہ علوم اسلامیہ علامہ محمد یوسف بنوری ٹاؤن