سوال

رمضان میں تراویح کے لیے عورت کا جانا صحیح ہے، اور کیا یہ جو عورتوں کے لیے انتظام کرتے ہیں پردہ وغیرہ، کیا یہ کرنا جائز ہے؟

جواب

عورت کا باپردہ تراویح میں شرکت کرنا اور ان کے لیے با پردہ انتظام کرنا اگر چہ جائز ہے لیکن پسندیدہ نہیں ہے حضور اکرم صلی اللہ علیہ وسلم نے عورت کی نماز کو گھر اور گھر میں بھی اندرونی حصہ میں نماز پڑھنے کو مسجد نبوی کی جماعت میں شرکت سے بھی افضل قرار دیا ہے۔ اس لیے عورتوں کے لیے افضل یہی ہے کہ فرض نمازوں کی طرح تراویح بھی گھر ہی میں ادا کریں۔ فقط واللہ اعلم