سوال

عورت  بچہ جننے کے بعد کتنے دن تک روزے نہیں رکھ سکتی؟

جواب

بچہ جننے کے بعد عورت کو جو خون آتا ہے اسے نفاس کہتے ہیں، نفاس کی حالت میں عورت کے لیے روزہ رکھنا جائز نہیں ہے۔ نفاس کی زیادہ سے زیادہ مدت چالیس دن ہے اور کم کی کوئی حد نہیں، لہٰذا چالیس دن پورے ہونے کے بعد یا اگر کسی عورت کو چالیس دن سے کم میں نفاس کا خون آنا بند ہوگیا تو وہ روزہ رکھے گی اور نماز بھی  پڑھے گی۔

البحر الرائق شرح كنز الدقائق (ج:1، ص:230، ط:دار الكتاب الإسلامي):

’’(قوله: ولا حد لأقله) أي النفاس؛ لأن تقدم الولد علم الخروج من الرحم فأغنى عن امتداده بما جعل علما عليه بخلاف الحيض وذكر شيخ الإسلام في مبسوطه اتفق أصحابنا على أن أقل النفاس ما يوجد فإنها كما ولدت إذا رأت الدم ساعة، ثم انقطع الدم عنها فإنها تصوم وتصلي.‘‘

فقط و الله أعلم