سوال

ایک شخص اگرآڈٹ فرم میں کام کرتاہے جوCA کی آرٹیکل شپ کررہاہےاوریہ آرٹیکل شپ CAکرنےکے لیے ضروری ہے، آڈٹ فرم مختلف کمپنیوں میں بھیجتی ہےاس میں بینک بھی شامل ہوتےہیں یہ آرٹیکل شپCAکرنےوالےآڈٹ سیکھنے کےلیے کرتے ہیں اس وجہ سےان کوجیب خرچ ملتاہے۔ آڈٹ میں صرف کپمنی کالین دین جوکمپنی پہلےہی محفوظ کرچکی ہوتی ہےاس کی درستگی کے لیے جانچ پڑتال کی جاتی ہے۔سوال یہ ہےکہ شریعت اس لحاظ سےکیا کہتی ہے؟ کیا کوئی بینک کےآڈٹ پرجاسکتاہےیانہیں جاسکتا؟

جواب

آڈیٹرکاچونکہ براہ راست سودی لین دین سے کوئی واسطہ نہیں ہوتابلکہ وہ صرف کمپنی (خواہ بینک ہویاکوئی اورادارہ) کےحسابات کی جانچ پڑتال کرتاہے جس میں بعض مرتبہ سودی حسابات کاآڈٹ بھی ہوتاہے، اس حدتک تواس کی گنجائش ہے، البتہ بینک کے آڈٹ کےدوران ملنےوالاجیب خرچ اگرآڈٹ فرم کی طرف سےملتاہےتووہ جائزہے اوراگربینک ادا کرتاہےتواس کا لینا جائزنہیں۔ فقط واللہ اعلم