سوال

اعتکاف میں بیٹھنے کامقرروقت کیا ہے؟

جواب

رمضان المبارک کے آخری عشرہ کا اعتکاف ”سنت“ ہے، اس   مسنون اعتکاف کا وقت  رمضان المبارک کی بیسویں تاریخ کو سورج غروب ہونے سے عید الفطر کا چاند نظر آنے تک ہے،اس کے علاوہ نفلی اعتکاف کے لیے کوئی خاص وقت اور مقدار کی شرط نہیں ہے، نفلی اعتکاف کچھ  لمحوں  کا بھی ہوسکتا ہے،جب بھی اور جتنے وقت کے لیے بھی آدمی مسجد میں داخل ہو نفلی اعتکاف کی نیت کرلے ، اس  کے بعد جتنا وقت مسجد میں گزرے گا آدمی کو نفلی اعتکاف کا ثواب ملتا رہے گا۔

فتاوی شامی  میں ہے:

"(وسنة مؤكدة في العشر الأخير من رمضان) أي سنة كفاية كما في البرهان وغيره لاقترانها بعدم الإنكار على من لم يفعله من الصحابة (مستحب في غيره من الأزمنة) هو بمعنى غير المؤكدة."

(2 / 442،باب الاعتکاف ، ط: سعید)

فقط والله اعلم