لڑکی کا نام'' اشل ''رکھنا کیسا ہے؟ اگر یہ نام درست نا ہو تولڑکی کے لیے چند نام بتادیں۔
’’اشل‘‘ کا لفظ اردو اور فارسی کی متداول لُغات میں تلاش کے باوجود نہیں ملا، اور عربی میں ’’اشل‘‘ (لام پر تشدید کے ساتھ) ایسے شخص کو کہتے ہیں جس کاہاتھ وغیرہ شل ہو چکا ہو، معنی کے لحاظ سے یہ نام درست نہیں ہے، لہٰذ’’اشل‘‘ ا نام نہ رکھا جائے۔
لسان العرب میں ہے:
"شلل: الشلل: يبس اليد وذهابها، وقيل: هو فساد في اليد، شلت يده تشل بالفتح شلا وشللا وأشلها الله ...ورجل أشل، وقد أشل يده، ولا شللا".
(حرف لام، فصل الشين المعجمة، ج:11، ص:360۔ ط:دار صادر)
نام رکھنے کے سلسلے میں بہتر یہ ہے کہ لڑکی کے لیے اُمّہات المومنین، صحابیات رضی اللہ عنہن کے ناموں میں سے کوئی نام رکھا جائے، یاکوئی بھی اچھا بامعنی عربی نام رکھا جائے۔
چند نام درج ذیل ہیں:
1: عائشہ۔ 2: خدیجہ۔ 3: حفصہ۔ 4: رملہ۔ 5:میمونہ۔ 6: ماریہ۔ 7: ریحانہ۔ 8:صفیہ۔ 9:زینب۔ 10:اُمامہ۔ 11:خنساء۔ 12:فاطمہ۔ 13:صالحہ۔ 14:زُبیدہ۔
فقط واللہ اعلم
فتوی نمبر : 144503100861
دارالافتاء : جامعہ علوم اسلامیہ علامہ محمد یوسف بنوری ٹاؤن