سوال

عصر اور عشا کی پہلی چار چار سنتیں جو کہ غیر موکدہ ہیں، ان کو ایک سلام سے بھی پڑھا جا سکتا ہے،یعنی دو رکعت کے بعد سلام پھیرنے کی بجاۓ تیسری رکعت  ثناء سے شروع کر دی جاۓ، اس کا بیان ہم حنفیوں کی کس کتاب میں ہے،اور اگر حدیث میں بھی ہے تو ازراہ کرم حوالہ دیں۔‎‎

جواب

واضح رہے کہ  سنتِ غیر مؤکدہ  (جیسے عصر اور عشاء سے پہلے کی چار رکعات) میں افضل یہ ہے کے پہلے قعدہ میں بھی درود شریف اور دعا  پڑھ کر تیسری رکعت کے لیے اٹھا جائے، اور پھر تیسری رکعت کا آغاز بھی ثنا اور تعوذ و تسمیہ سے کیاجائے، تاہم اگر کسی نے ایسے نہ کیا تو بھی سنتِ غیر مؤکدہ ادا ہوجائیں گی۔ 

فتاویٰ شامی میں ہے:

"ولا يصلى ‌على ‌النبي - صلى الله عليه وسلم - في القعدة الأولى في الأربع قبل ‌الظهر والجمعة وبعدها) ولو صلى ناسيا فعليه السهو، وقيل لا شمني (ولا يستفتح إذا قام إلى الثالثة منها) لأنها لتأكدها أشبهت الفريضة (وفي البواقي من ذوات الأربع يصلي ‌على ‌النبي) - صلى الله عليه وسلم - (ويستفتح) ويتعوذ."

(کتاب الصلوٰۃ، باب الوتر والنوافل، ج:2، ص:16، ط:سعید)

فقط واللہ اعلم