نماز عصر کی سنتیں کیسے پڑھی جاتی ہیں؟
نماز عصر کی چاررکعت سنتیں پڑھنے کا بھی وہی طریقہ ہے جو کہ چاررکعت والی دیگر سنتوں کے پڑھنے کا طریقہ ہے، البتہ چوں کہ عصر اور عشاء کی 4 رکعت سنتیں غیر مؤکدہ ہیں، اس لیے ان میں ہر دو رکعتیں مستقل نمازیں شمار ہوتی ہیں ،چناں چہ نمازِ عصر اور نماز ِعشاء کی سنتوں میں قعدہ اولی میں التحیات پڑھنے کے بعد درود شریف اور ماثور دعائیں پڑھنا افضل ہے ،اور تیسری رکعت(جو کہ اگلے شفعہ کی پہلے رکعت ہوگی)میں ثناء بھی پڑھی جائے گی۔
فتاوی شامی میں ہے:
"(ولا يصلى على النبي - صلى الله عليه وسلم - في القعدة الأولى في الأربع قبل الظهر...(وفي البواقي من ذوات الأربع يصلي على النبي) -صلى الله عليه وسلم - (ويستفتح) ويتعوذ ولو نذرا لأن كل شفع صلاة الخ."
(کتاب الصلوۃ، باب الوتر و النوافل، ج:2 ص:16 ط: سعید)
فقط واللہ اعلم
فتوی نمبر : 144501101037
دارالافتاء : جامعہ علوم اسلامیہ علامہ محمد یوسف بنوری ٹاؤن