سوال

آرٹیفیشل زیور پہن کر نماز پڑھنا

سوال : 

لڑکی کے لیے آرٹیفیشل زیور پہن کر نماز پڑھنا جائز ہے؟

جواب :

عورت انگوٹھی صرف سونے یا چاندی کی استعمال کر سکتی ہے، آرٹیفیشل انگوٹھی کا استعمال عورت کے لیے بھی جائز نہیں ہے۔ دیگر آرٹیفیشل زیورات کا استعمال عورت کے لیے جائز ہے۔ یہ حکم نماز کی حالت اور نماز کے علاوہ حالت، دونوں کے لیے ہے۔ نیز اگر آرٹیفیشل انگوٹھی پہن کر نماز پڑھی ہو، تو وہ نماز کراہت کے ساتھ ادا ہوگئی۔ فقط واللہ اعلم 

فتوی نمبر : 144203200731

کیا اس فتوی سے رجوع ہوچکا ہے؟

جواب

سونے اور چاندی کے علاوہ دیگر دھاتوں   کی انگوٹھی پہننا مرد اور عورت دونوں کے لیے  مکروہ  ہے، اور اس مکروہ کے ارتکاب کرتے ہوئے جو نماز پڑھی جائے اس میں اسی خارجی کراہت کی وجہ سے کراہت آئے گی۔ 

لہذا مذکورہ بالا فتویٰ درست ہے ۔ فقط واللہ اعلم

تفصیل کے لیے درج ذیل لنک پر فتویٰ ملاحظہ فرمائیں :

سونے اور چاندی کے علاوہ کسی اور دھات کی بنی انگوٹھی پہننا