سوال

 اگر عورت آرٹیفیشل انگھوٹی پہن کر نماز پڑھے تو کیا نماز نہیں ہوگی ؟اور نہ ہونے کی صورت میں دوبارہ لوٹانی پڑے گی ،اور آرٹیفیشل بریسلیٹ وغیرہ اور بالیوں پر بھی بتائیے؟

جواب

 عورت انگوٹھی صرف سونے یا چاندی کی استعمال کر سکتی ہے، آرٹیفیشل انگوٹھی کا استعمال درست نہیں ہے، دیگر آرٹیفیشل زیورات  یعنی  آرٹیفیشل بریسلیٹ اورآرٹیفیشل بالیاں عورت استعمال کر سکتی ہے، آرٹیفیشل انگوٹھی یا بالیاں یا دیگر زیورات پہن کر نماز پڑھے گی تو نماز  دا ہوجائے گی۔لیکن آرٹیفیشل انگوٹھی کے  استعمال  کی وجہ سے گناہ گار ہوگی۔

فتاوی عالمگیری میں ہے:

"وفي الخجندي التختم بالحديد والصفر والنحاس والرصاص مكروه للرجال والنساء جميعا."

(کتاب الکراہیۃ،5 /335،ط:دار الفکر)

فتاویٰ شامی  میں ہے:

"وفي الجوهرة: التختم بالحدید والصفر والنحاس والرصاص مکروه للرجال والنساء اهـ".

(رد المحتار علیٰ الدرالمختار،کتاب الحظروالاباحۃ ،6/ 359و360 ط:سعید)

فقط واللہ اعلم