میں عربک ٹیچر ہوں، چوں کہ اسکول میں ریاضی اور فزکس کا ٹیچر نہیں، میرا الحمد للہ ان مضامین میں تجربہ ہے، کیامیں بحکم ہیڈ ماسٹر اپنے مضامین کوچھوڑ کر ریاضی اور فزکس پڑھا سکتاہوں ؟
اگر آپ ریاضی اور فزکس کے مضامین پوری دیانت داری کے ساتھ اچھی طرح پڑھاسکتے ہیں تو آپ کے لیے مذکورہ مضامین پڑھانا اور اس کے عوض تنخواہ لینا جائز ہے، لیکن اگر آپ مذکورہ مضامین کو اچھی طرح پڑھانے کی اہلیت نہیں رکھتے جس کی وجہ سے اسکول کے طلبہ کی حق تلفی اور نا انصافی لازم آئے گی تو آپ کے لیے یہ مضامین پڑھانا درست نہیں ہے۔ فقط واللہ اعلم
فتوی نمبر : 144210201060
دارالافتاء : جامعہ علوم اسلامیہ علامہ محمد یوسف بنوری ٹاؤن