کیا حقِ مہر میں قرآن رکھوانا کہ لڑکا اس کو حفظ کرے، ایسا کرنا جائز ہے؟
بصورتِِ مسئولہ عقدِ نکاح میں شوہر کے حفظِ قرآن کو مہر بنانا درست نہیں ہے، اگر حفظِ قرآن کو بطورِ مہر مقرر کرکے نکاح کیا گیا تو نکاح منعقد ہوجائے گا، اور شوہر کے ذمے مہرِ مثل ادا کرنا لازم ہوگا۔ یعنی لڑکی کے خاندان میں اس طرح کی لڑکی کا جو مہر متعارف ہے، وہ ادا کرنا ہوگا۔
فتاوی شامی میں ہے:
"(قوله: وفي تعليم القرآن) أي يجب مهر المثل فيما لو تزوجها على أن يعلمها القرآن أو نحوه من الطاعات لأن المسمى ليس بمال."
(كتاب النكاح، باب المهر، ج:3، ص:201، ط:ايج ايم سعيد)
فقط والله اعلم
فتوی نمبر : 144206200386
دارالافتاء : جامعہ علوم اسلامیہ علامہ محمد یوسف بنوری ٹاؤن