سوال

جو شخص اپاہج نظر آتاہواس کے پیچھے نماز جائز ہے یا نہیں ؟اگر وہ ایک عام آدمی ہے اور جتنا وہ اسلام کے بارے میں جانتا ہو ,اتنا دوسرے لوگ بھی اسلام کو جانتے ہوں۔

جواب

واضح رہے کہ اپاہج اورلولے لنگڑے آدمی  سے عادتاً نفرت ہوتی ہے ،جبکہ پورے طور پر پاکی بھی حاصل  نہیں کرسکتا؛لہٰذا دوسرے    سالم اور كامل  الاعضاءامام کی موجودگی میں اس کی امامت  کراہت تنزیہہ   کے ساتھ جائز ہے ، اورگراس سے زیادہ کوئی  مستحق ِامامت نہ ہو ،توان کی امامت بلا کراہت جائز ہوگی۔

فتاویٰ شامی میں هے:

"‌وكذا ‌تكره ‌خلف أمرد۔۔۔قوله ومفلوج وأبرص شاع برصه)وكذلك أعرج يقوم ببعض قدمه، فالاقتداء بغيره أولى تتارخانية، وكذا أجذم برجندي، ومجبوب وحاقن، ومن له يد واحدة فتاوى الصوفية عن التحفة. والظاهر أن العلة النفرة، ولذا قيد الأبرص بالشيوع ليكون ظاهرا ولعدم إمكان إكمال الطهارة أيضا في المفلوج والأقطع والمجبوب۔"

(‌‌كتاب الصلاة‌‌،باب الإمامة،ج:1،ص:562،ط:سعيد)

اور فتاوی عالمگیری میں ہے:

"ولوكان لقدم الامام عوج وقام علي بعضها يجوزوغيره اوليٰ ،کذافیالتبیین۔"

(کتاب الصلاۃ،باب افتتاح الصلاۃ ،فصل فی من یصح الاقتداء بہ وفیمن لا یصح ،ج:1ص85،ط:رشیدیہ)

فقط وللہ اعلم