سوال

میرے لیے کون سا پتھر انگوٹھی کے ساتھ پہننا ٹھیک ہوگا؟

جواب

  انگوٹھی  میں جو مختلف قسم کے پتھر لگوائے جاتے ہیں، مثلاً: عقیق، فیروز، یاقوت وغیرہ یا تاریخِ پیدائش کے حساب سےکسی پتھر کو متعین کرکے اس کے بارے میں یہ  اعتقاد ویقین رکھنا کہ فلاں پتھر میری زندگی پراچھے اثرات ڈالتا ہے یہ عقیدہ غلط ہے؛ لہذا اس عقیدے کے ساتھ انگوٹھیوں کو پہننا ناجا ئز وحرام ہے۔ زند گی پر اچھے برے اثرات انسان کے اپنے عملِِ صالح یا عملِِ بد سے آتے  ہیں، نہ کہ پتھرسے۔ مذکورہ عقیدہ نہ ہو تو  اپنے ذوق کے اعتبار سے کوئی بھی پتھر لگایا جاسکتا ہے۔

یہ بھی ذہن نشین رہے کہ مرد کے لیے صرف چاندی کی انگوٹھی پہننے کی اجازت ہے، بشرطیکہ اس کا وزن ایک مثقال (ساڑھے چار ماشے یعنی 4 گرام، 374 ملی گرام (4.374 gm)سے کم ہو۔ فقط واللہ اعلم