سوال

کیا کوئی آدمی اپنے گھر سے امی یا بھائی کے پیسے بغیر بتا ئے اٹھا سکتا ہے؟

جواب

واضح  رہے  کہ کسی کا مال اس کی اجازت کے بغیر استعمال میں لانا جائز نہیں ، لہذا صورتِ  مسئولہ میں امی اور بھائی کی اجازت کے بغیر ان کے پیسے اٹھانا جائز نہیں، البتہ اگر ان کی طرف سے  عام اجازت ہو تو پھر ہر مرتبہ ان کو بتا کر اٹھانا  ضروری نہیں، اگرچہ بتانا  بہتر ہے۔

الدر المختار میں ہے:

"لايجوز التصرف في مال غيره بلا إذنه ولا ولايته."

(الدر المختار: كتاب الغصب (ص:617)،ط. دار الكتب العلمية، الطبعة: الأولى، 1423هـ- 2002م) 

فقط، والله اعلم