سوال

علامہ سخاویؒ کی کتاب "القول البدیع"  اور علامہ مخدوم محمد ہاشم سندھیؒ کی کتاب  "ذریعۃ الوصول"  دونوں کتابوں کے بارے میں راہ نمائی فرمادیں آیا یہ مستند ہیں یا غیر مستند ؟

جواب

صورتِ  مسئولہ میں دونوں  کتابیں مستند ہیں اور  ان میں موجود  درود  کا ورد کرنا باعثِ برکت و ثواب ہے،البتہ اس میں موجود  تمام  درود  کے صیغوں کا احادیث میں منقول ہونا ثابت نہیں، اور  نہ  ہی  لازم ہے، بلکہ  بہت  سے درود  بزرگوں  کے  مجربات  میں  سے  ہیں جن کا ورد کرنا مصائب و بلایا کے  دفع کرنے کا اور  اللہ  کی رحمتوں اور  برکتوں کو متوجہ کرنے کا ذریعہ ہونا تجربہ سے ثابت ہے، اور  ان میں کوئی  خلافِ  شرع  بات   بھی  نہیں؛ لہٰذا ان دونوں کتابوں میں مذکورہ درود کے صیغے پڑھنا درست ہے۔   فقط واللہ اعلم