1: اگر ہم سے تعویذ گم ہو جائے تو کیا مسئلہ ہے؟
2: اگر کسی کاغذ پر ہم نے اللہ کا نام لکھا ہے تو کیا اگر ہم اس کو پھینک دیں تو کیا حکم ہے؟
1: تعویذ اگر غلطی سے گم ہو جائے تو شرعاً اس میں کوئی مسئلہ نہیں ہے۔ اس سوال کا اگر کچھ اور مقصد ہے تو اس کو واضح کرکے دوبارہ سوال بھیج سکتے ہیں۔
2: جس کاغذ پر ”اللہ تعالیٰ “ کا نام لکھا ہو ، اس کو اَدب سے رکھنا اور بے ادبی سے بچانا واجب ہے، اس کو پھینکنا جائز نہیں ہے، اگر ایسے کاغذات کو ردّی میں ڈالنا ہو یا کسی دنیاوی مقصد میں استعمال کرنا ہو تو پہلے اس میں سے ”اللہ تعالیٰ “ کے نام کو مٹادیا جائے۔ اس کے بعد ان کو کسی بھی دنیاوی کام کے لیے استعمال کیاجاسکتا ہے۔
فتاوی شامی میں ہے:
"بساط أو غيره كتب عليه الملك لله يكره بسطه واستعماله لا تعليقه للزينة."
(1 /،178، 179،کتاب الطهارة، ط: سعيد)
فتاویٰ عالمگیری میں ہے:
"ویکرہ أن یجعل شیئاً في کاغذ فیها اسم اللّٰه تعالٰی کانت الکتابة علی ظاهرها أو باطنها."
(5/ 322،كتاب الكراهية، ط: رشيدية)
فقط واللہ ٱعلم
فتوی نمبر : 144405101528
دارالافتاء : جامعہ علوم اسلامیہ علامہ محمد یوسف بنوری ٹاؤن