سوال

علی حسنین نام کا بالکل صحیح مطلب کیا ہے؟

جواب

’’علی‘‘: رسول اللہ ﷺ کے چچا زاد، آپ ﷺ کے داماد اور  چوتھے خلیفہ راشد رضی اللہ عنہ اور دیگر کئی صحابہ رضی اللہ عنہم کا نام ہے،بمعنی بلند/مضبوط۔ حضرت علی رضی اللہ عنہ کے فضائل بے شمار ہیں۔

"حسنین " کا معنی ہے: اچھا اور خوبصورت هونا، حضرت حسن اور حسین رضی اللہ تعالیٰ عنہما دونوں کے لیے یہ لفظ استعمال ہوتا ہے، اور بعض روایات میں حضرت عمر نے حضرت علی رضی اللہ عنہما كو "ابو الحسنين" كا لقب دیا تھا، اور اکابرین علماءاور صلحاء میں بھی حسنین نام کی کئی مثالیں پائی جاتی ہیں ، یہ نام نسبت اور معنی دونوں اعتبار سے اچھا ہے۔

لہٰذا "علی حسنین" کا مطلب ہوا : بلند اور خوبصورت، نیز اس میں حضرت علی رضی اللہ عنہ اور ان کے دونوں صاحبزادوں حضرات حسنین رضی اللہ عنہما کی طرف نسبت بھی ہے، لہٰذا یہ نام رکھنا اچھا ہے۔

مصباح اللغات میں ہے: 

"حسَن، حسُن وحسنًا : خوبصورت ہون، حاسنه، محاسنه، خوبصورت میں مقابلۃ کرنا، نیک سلوک کرنا...خوبصورت هونا اچھا ہونا۔"

(مصباح اللغات ، ص: 153، ط: المکتبہ القدوسيہ)

فقط واللہ اعلم