سوال

 لڑکی کا نام الافیہ  یا الفیہ رکھنا کیسا ہے اور اس کا معنی کیا ہے ؟  Alafiya + Alfiya

جواب

صورتِ  مسئولہ  میں "أَلْفِيَّه"  میں  "أَلْف"  (بمعنٰی ہزار/ گنتی کا عدد) کی طرف نسبت ہے، اصطلاح میں  "أَلْفِيَّه"اس قصیدہ کو  کہتے ہیں جس میں کسی فن کے قواعد  بیان  کیے گئے ہوں  جس کے اشعار  کی تعداد  ہزار ہو۔

"الافیه"  عربی میں مستعمل نہیں ہے، اگر اس میں "ی" نسبتی ہو، اور  "آلاف"  ("أَلْف"کی جمع) کی طرف نسبت ہو تو معنی ہوگا: ہزاروں والی۔ بہرحال اس کا کوئی مقصودی معنی نہیں ملا ۔ (مصباح الغات،ص:38،ط قدیمی)

لہذا الفیہ یا الافیہ  کے بجائے صحابیات کے نام میں سے کوئی نام رکھا جائے ۔  فقط واللہ اعلم