سوال

میں نے اپنی بیوی کو غصے میں آکر ایک بار   طلاق کا لفظ  منہ  سے  نکالا،  جب  کہ  دل  سے  بھی نہیں اور  نیت  سے  بھی نہیں کہا، اور  دو  مرتبہ  "جاؤ "  کا لفظ استعمال کیا ہے، کیا اس سے نکاح ٹوٹ جاتا ہے؟

جواب

صورتِ مسئولہ میں سائل نے غصے میں آ کر بغیر اضافت کے بیوی کو لفظ طلاق ادا کیا تو اس سے بیوی پر ایک طلاقِ رجعی واقع  ہوگئی، اس طلاق کے بعد عدت یعنی مکمل تین ماہواریاں( اگر حمل نہ ہو اگر حمل ہو تو بچے کی پیدائش تک) گزرنے سے پہلے تک سائل کو  رجوع کرنے کا اختیار  ہے، اگر سائل نےعدت گزرنے سے پہلے رجوع کرلیا تو نکاح  برقرار رہے گا، لیکن اگرسائل نے عدت گزرنے سے پہلے رجوع نہیں کیا تو عدت کی مدت پوری ہوتے ہی نکاح ختم ہو جائے گا پھر رجوع کرنا جائز نہیں ہوگا،تاہم عدت گزرنے کے بعد  اگر دونوں ساتھ رہنا چاہیں تو دوبارہ نئے سرے سے دو گواہوں کی موجودگی میں نئے مہر اور نئے ایجاب وقبول کے ساتھ نکاح کرنا ہو گا، اور دونوں صورتوں میں آئندہ کے لیے شوہر کے پاس صرف دو طلاقوں کا اختیار باقی رہ جائے گا۔

باقی بیوی کو طلاق کی نیت کے بغیر "جاؤ" کہنے سے کوئی طلاق واقع نہیں ہوئی۔

فتاوی ہندیہ میں ہے:

"و هو كأنت طالق و مطلقة و طلقتك و تقع واحدة رجعية و إن نوى الأكثر أو الإبانة أو لم ينو شيئًا، كذا في الكنز".

(كتاب الطلاق، ج:1، ص:354، ط:مکتبہ رشيديه)

فقط واللہ اعلم