سوال

ایک عورت مجھے کپڑے اور پیسے بھیجتی ہے،   اور منع کروں تو کسی اور کے ہاتھ بھیج دیتی ہے، وہ بھی شادی شدہ ہے،   اور میں بھی مگر اس کے ساتھ زیادتی کی تھی، پھر میں نے اور اس نے بھی توبہ کر لی ہے۔ رہنمائی فرمائیں کیا کروں؟

جواب

مطلقًا کسی غیر محرم سے بالواسطہ (پردے کے اَحکام کی رعایت کے ساتھ) تحفہ وصول کرنا تو ممنوع نہیں ہے، البتہ صورتِ مسئولہ میں مذکورہ خاتون سے تحائف وصول کرنا، روابط کے دوبارہ قائم ہونے کا سبب بن سکتا ہے، لہذا اس کے تحائف اسے لوٹادیا کریں؛ تاکہ اسے ترکِ تعلق کی خبر ہو، اور اگر لوٹانا کسی وجہ سے ممکن نہ ہو، تو اس صورت میں اس کے تحائف کسی ایسے فرد کو دے دینا مناسب ہوگا، جس کی خبر اس خاتون کو ہوجائے، اور  ترکِ تعلق کا علم ہو۔ فقط واللہ اعلم