اگر کوئی شخص کسی ایسی عورت سے جو ابھی اس کے نکاح میں نہیں ہے یہ کہدے کہ تو مجھ پر ہمیشہ کے لئے حرام ہے ،تو کیا وہ اس پر ہمیشہ کے لئے حرام ہو گی یا نہیں؟
واضح رہے کہ اگر کسی شخص نے کسی ایسی عورت سے جو اس کے نکاح میں نہیں تھی اس کو یہ کہا کہ"تو مجھ پر ہمیشہ کےلیے حرام ہے" تو وہ عورت مذکورہ شخص پر ہمیشہ کےلیے حرام نہیں ہوگی لہذا اگر دونوں کے درمیان حرمت کا کوئی اور رشتہ اور تعلق نہ ہو تو مذکورہ شخص اس عورت کے ساتھ شرعاً نکاح کرسکتا ہے۔
اللباب فی شرح الکتاب میں ہے:
"ولا يصح إضافة الطلاق إلا أن يكون الحالف مالكاً أو يضيفه إلى ملكٍ وإن قال لأجنبيةٍ " إن دخلت الدار فأنت طالقٌ" ثم تزوجها فدخلت الدار لم تطلق."
(كتاب الطلاق،ج:3،ص:46،ط:المکتبۃ العلمیہ)
فقط واللہ اعلم
فتوی نمبر : 144405101405
دارالافتاء : جامعہ علوم اسلامیہ علامہ محمد یوسف بنوری ٹاؤن