سوال

راستے میں کسی اجنبی کا جنازہ پڑھناکیسا ہے؟

جواب

جنازے میں شرکت کرنے والے حدیث میں ذکر کردہ اجر وثواب کا مستحق ہے خواہ جنازہ کسی رشتہ دار کا ہو، یا کسی اجنبی کا ہو، جیسا کہ مروی ہے:

"وعن أبي هريرة رضي الله عنه قال: قال رسول الله صلى الله عليه وسلم: «من اتبع جنازة مسلم إيمانا واحتسابا وكان معه حتى يصلى عليها ويفرغ من دفنها فإنه يرجع من الأجر بقيراطين كل قيراط مثل أحد ومن صلى عليها ثم رجع قبل أن تدفن فإنه يرجع بقيراط»".

(مشکوۃ المصابیح، کتاب الجنائز، باب غسل المیت وتکفینه، رقم الحدیث:1651، ج:1، ص:522، ط:دارالکتاب الاسلامی)

"ترجمہ : حضرت ابوہریرہ رضی اللہ تعالیٰ عنہ روایت ہے کہ رسول اللہ صلی اللہ علیہ وآلہ وسلم نے فرمایا کہ جو شخص جنازہ کے ساتھ چلا اور اس پر نماز پڑھی تو اس کو ایک قیراط کے برابر ثواب ملے گا اور جو شخص میت کی تدفین تک جنازہ کے ساتھ رہا تو اس کو دو قیراط کے برابر ثواب ملے گا۔ اور یہ قیراط ایسے ہیں کہ ان میں سے چھوٹا قیراط بھی احد پہاڑ جیسا ہے۔"

فقط واللہ اعلم