سوال

کسی اجنبی عورت کو شہوت کے ساتھ چھونے سے اس کی بیٹی اس پر حرام ہو جاتی ہے؟

جواب

جس عورت کو کسی شخص نے شہوت  کے ساتھ چھو لیا، اور  یہ چھونا بغیر حائل کے ہوا ہو  یعنی درمیان میں کوئی کپڑا وغیرہ نہ تھا ، یا  درمیان میں حائل اس قدر باریک تھا   کہ اس سے جسم کی حرارت پہنچی ہو تو اس طرح  چھونے سے ان دونوں کے درمیان  حرمتِ  مصاہرت  ثابت ہوگئی، نیز اب  ہمیشہ کےلیے مذکورہ عورت کی بیٹی (جس سے مذکورہ لڑکا شادی کرنا چاہتاہے)  اس لڑکے پر حرام ہوگئی ہے، کسی بھی صورت میں مذکورہ لڑکا اس عورت کی بیٹی سے شادی  نہیں کرسکتا۔

فتاوى شامي میں ہے:

"(و) حرم أيضا بالصهرية (أصل مزنيته) أراد بالزنا في الوطء الحرام (و) أصل (ممسوسته بشهوة) .... (وفروعهن) مطلقا والعبرة للشهوة عند المس والنظر لا بعدهما وحدها فيهما تحرك آلته أو زيادته به يفتى."

(كتاب النكاح، فصل في المحرمات، ج:3، ص:32، ط:سعيد)

فقط واللہ اعلم