سوال

میں پشاور سے تعلق رکھتاہوں، مجھے سحری کا وقت بتادیں کس وقت شروع ہوتا ہے اور کس وقت بند ہو جاتا ہے؟

جواب

پشاور شہر میں آج کل (۳ اپریل ۲۰۲۰) سحری کا انتہائی وقت تقریباً ساڑھے چار بجے ہے؛ کیوں کہ ۴ بج کر ۳۳ منٹ پر صبح صادق ہوجاتا ہے، باقی رات کو جس وقت بھی آنکھ  کھلے،  صبح صادق (ساڑھے چار بجے)  سے پہلے پہلے سحری کی جاسکتی ہے،  البتہ افضل یہ ہے کہ رات کے آخری حصہ میں سحری کی جائے،صبح صادق سے بہت دیر پہلے سحری کا معمول بنانا درست نہیں ہے، صبح صادق سے اس قدر پہلے سحری شروع کرنی چاہیے کہ اطمینان سے سحری کر کے ایسے وقت میں بند کی جاسکے  کہ یقین ہو کہ صبح ہونے سے پہلے پہلے کھانا بند کردیا گیا ہے، بالکل آخری وقت تک کھانا صحیح نہیں کہ شک پیدا نہ ہو جائے۔ فقط واللہ اعلم